Poet: Hyder Gilani
سانجھ سویرے ، مُنہ ہنیرے
جنگل ، بیلے ، گلیاں، ڈیرے
تیریاں گلاں ، تینوں لبھاں
ہر ہر جا تیرا پرچھاواں
دس کدھر جاواں
سوچ تیری، تلاش تیری
آس تیری، پیاس تیری
جوگن پھرے اُداس تیری
مُڑ مُڑ روواں تے پچھتاواں
دس کدھر جاواں
دس ہُن جاواں کہڑے دوارے
جھلا دل بس تینوں پُکارے
تیریاں ای یاداں آل دوالے
کتھوں تینوں لبھ لیاواں
دس کدھر جاواں
توں لبھ جائیں تے کی غم اے
تانگھ تیری مینوں ہر دم اے
میرے نیناں لائی رم جھم اے
کملے دل نوں کیویں سمجھاواں
دس کدھر جاواں
ربا سائیاں کرم کمائیں
مینوں میرا یار ملائیں
حیدر کرے ایہو دُعائیں
تیرے اگے ای کُرلاواں
دس کدھر جاواں
دس کدھر جاواں
No comments:
Post a Comment