Poet: UA
جی کردا اے پیری کنگرو پا لاں
نچ نچ کے اج سوھنا یار منا لاں
جہیڑا میری روح وچ رچیا وسیا اے
اوس موھنے دی دید دا کجل
اکھیاں دے وچ پا لاں
جی کردا اے پیری کنگرو پا لاں
نچ نچ کے اج سوھنا یار منا لاں
اوس سوھنے دے روپ دی چنری سکھیو
اپنے سر دے اتے پا لاں
جی کردا اے پیری کنگرو پا لاں
نچ نچ کے اج سوھنا یار منا لاں
جہیڑا دل وچ پیار دی جوت جگا کے
دیس پرائے جا وسیا میں اوہنو
کسے بہانے اپنے کول بلا لاں
جی کردا اے پیری کنگرو پا لاں
نچ نچ کے اج سوھنا یار منا لاں
اپنے انگ نوں اوہدے رنگ وچ رنگ کے
اپنی جندڑی اوہدے ناں لوا لاں
جی کردا اے پیری کنگرو پا لاں
نچ نچ کے اج سوھنا یار منا لاں
اوہدی اکھیاں دے وچ وس کے اک دن
اوہدے دل وچ اپنی تھاں بنا لاں
جی کردا اے پیری کنگرو پا لاں
نچ نچ کے اج سوھنا یار منا لاں
No comments:
Post a Comment