Love / Romantic Poetry - کوئی بات

Poet: Aayan

ہے تم سے مجھے بیار کوئی بات کیجئے
موسم ہے خوشگوار کوئی بات کیجئے

اپنے حسیں ہونٹوں کو جنبش تو دیجئے
ہے کب سے انتطار کوئی بات کیجئے

آنکھوں کی بے قراری کا عالم تو دیکھئے
اٹھتی ہیں بار بار کوئی بات کیجئے

دیوانہ وار پھر ہمیں دیوانہ کیجئے
کر کے نگاہ چار کوئی بات کیجئے

کچھ تو کہوں یہ تاج محل کیوں اداس ہے
اُلفت کے شاہکار کوئی بات کیجئے

پھر کائنات میں کوئی نغمہ بکھرئے
چُھولے جو دل کے تار کوئی بات کیجئے

دھڑکن میں آپ کی بھی کوئی اضطراب ہے
ہم بھی ہیں بے قرار کوئی بات کیجئے

لفظوں کو ابنی قید سے آزاد کیجئے
لو مان چکے ہار کوئی بات کیجئے