Poet: Kaiser Mukhtar
حالات کے تناظر میں
اک ناز پری کبھی آئے گی
میری الجھن کو ُسلجھائے گی
وہ چاہے گی میرے جیون کو
کبھی دُور کرے میری تڑپن کو
کبھی تیز کرے میری دھڑکن کو
کبھی دل سینے سے باہر ہو
کبھی سینے میں دل کو سجائے گی
اک ناز پری کبھی آئے گی
کبھی چاہت پر مجبُور کرے
وہ مُجھ کو کبھی مخمور کرے
پھر نشے کو مُجھ سے دُور کرے
کبھی سُلجھن کو ا ُلجھائے گی
کبھی اُلجھن کو سُلجھائے گی
اک ناز پری کبھی آئے گی
کوئی زخموُں پر مرہم رکھ دے
میرے ہونٹوں پہ تبسم رکھ دے
کوئی دل سے باہر غم رکھ د ے
چُپکے سے کبھی آکر قیصر
میری دُلھن وہ بن جائے گی
اک ناز پری کبھی آئے گی
No comments:
Post a Comment