Diya Jalai'n Bhi Tu Roshni Nahi
Hoti
Basar Kisi Bhi Tarha Zindagi Nahi Hoti
Hai'n Itnay Karb Mai'n Ahl-E-Watan, K Ab Meri
Mere Watan Ki Taraf Wapsi Nahi Hoti
Na Koi Ghar Mai'n Hay Mahfooz Aur Na Masjid Mai'n
Hakim-E-Waqt Ko Sharmindagi Nahi Hoti
Yu'n Haadsaat-E-Mosalsal Pay Sogawaar Hai Dil
Khushi Ki Baat Pay Bhi Ab Khushi Nahi Hoti
Kisi Ka Gham Hay Jo Goyaai Day Gaya Hay Mujhay
Bila Sabab Tu Zafar Shairi Nahi Hoti
No comments:
Post a Comment