Dafatan Dil Mai Kisi Yaad Nay Li
Angdaai
Is Kharaabay Mai Yeh Deewar Kahan Say Aayee
Aaj Khulnay Hi Ko Tha Dard Mohabbat Ka Bharam
Woh Toh Khahyee Keh Achanak Hi Teri Yaad Ayee
Bass Yun Hi Dil Ko Tawaqa Si Hai Tujh Say Warna
Jaanta Hun Keh Muqaddar Hai Mera Tanhaai
Nasha Talkhi-E-Ayaam--Utarta Hi Nahi
Teri Nazron Nay Gulaabi Toh Bohot Chalkaai
Yun Toh Her Shakhs Akaila Hai Bhari Duniya Mai
Phir Bhi Her Dil Kay Muqaddar Mai Nahi Tanhaai
Doobtay Chaand Pay Royee Hain Hazaaron Aankhain
Mai Toh Roya Bhi Nahi Nahi--Tumko Hansi Kyon Ayee
Raat Bhar Jaagtey Rehtay Ho Bhala Kyon *Nasir*
Tum Nay Yeh Daulat Baidaar Kahan Say Paayee
No comments:
Post a Comment