Poet:
جب پنچھی سارے اڑ جائیں
ہر سمت اندھیرا چھا جائے
جب گزری باتیں یاد آئیں
اور پیار بھرا نہ دل پائیں
مت تنہا تنہا گھبرانا
تم پاس ہمارے آجانا
جب کوئی دن میں شام کرے
یا لب کی ہنسی بدنام کرے
جب وحشت دل کا نام کرے
یا آنکھ میں نیند حرام کرے
مت تنہا تنہا گھبرانا
تم پاس ہمارے آجانا
دل پریت ہماری دہرائے
یہ ریت پرانی یاد آئے
جب ملنے کو بھی دل چاہے
اور پیار بھرا نہ دل پائے
مت تنہا تنہا گھبرانا
تم پاس ہمارے آجانا
No comments:
Post a Comment