Poet: Dr.Farooque Rehman
دور تک سونی پڑی ہے رہگزر دیکھے گا کون
اپنی منزل ہی نہیں تو راہبر دیکھے گا کون
چاندنی کی بدعا اپنا اثر دکھلا گئی
کس قدر تاریکیاں ہیں چند پر دیکھے گا کون
جاگتی آنکھوں پہ آخر نیند غالب آگئی
اب تمہارا راستہ بھی رات بھر دیکھے گا کون
اپنے گھر کا ساز و ساماں ہم نے گروی رکھ دیا
ہنستے ہنستے زھر پینے کا ہنر دیکھے گا کون
جان کا خطرہ تو ہے ہی جال بھی کمزور ہے
مچھلیوں کے شوق میں پانی مگر دیکھے گا کون
جانے کتنی رنگ برنگی تتلیوں کا ساتھ ہے
اب کے رت بدلی توخوشبو کا سفر دیکھے گا کون
اب غزل کے نام پر فاروق کچھ بھی پیش کر
لوگ سب مصروف ہیں زیر و زبر دیکھے گا کون
No comments:
Post a Comment