Raz Dil Main Sama K Dekhen Hain
Gham Khushi Main Chupa K Dekhen Hain
Waqat Ki Dour Main Paraye Howe
Yar Siney Laga K Dekhen Hain
Jane Kyun Mujhse Hogaya Khayaf
Naaz Jinke Utha K Dekhen Hain
Zindagi Utni B-E-Sokon Tehri
Jitne Daman Bacha K Dekhen Hain
Khon K Katray Jale Howe Nikle
Dil Par Nashtar Laga K Dekhen Hain
Dharkan-E-Dil Ruki Nahi Phir Bhi
Rog Jitne Laga K Dekhen Hain
Ankh Purnam Zuban Pe Khamoshi
Phir Bhi Sadmain Utha K Dekhen Hain
Aaj Phir Dil K Taar Toot Gaye
Laakh Arman Jaga K Dekhen Hain
Zakhm Ache Na Ho Sake Hamdam
Hamne Marham Laga K Dekhne Hain
No comments:
Post a Comment