Poet: Allama Iqbal
آتی ہے دم صبح صدا عرش بريں سے
کھويا گيا کس طرح تیرا جوہر ادراک
کس طرح ہوا کند تیرا نشتر تحقيق
ہوتے نہيں کيوں تجھ سے ستاروں کے جگر چاک
تو ظاہر و باطن کی خلافت کا سزاوار
کيا شعلہ بھي ہوتا ہے غلام خس و خاشاک
مہر و مہ و انجم نہيں محکوم تیرے کيوں
کيوں تری نگاہوں سے لرزتے نہيں افلاک
اب تک ہے رواں گرچہ لہو تيری رگوں ميں
نے گرمی افکار، نہ انديشہ بے باک
روشن تو وہ ہوتی ہے، جہاں بيں نہيں ہوتی
جس آنکھ کے پردوں ميں نہيں ہے نگہ پاک
باقی نہ رہی تيری وہ آئينہ ضميری
اے کشتہ سلطانی و ملائی و پيري
No comments:
Post a Comment