Poet: UA
ادھوری بات مکمل کر دو
ادھوری ذات مکمل کر دو
بس اتنی التجا میرے دل کی
دل کے جذبات مکمل کر دو
میری آنکھوں میں رقصاں
سب نظریات مکمل کر دو
بند ہونٹوں تلے دبائی ہے
آج وہ بات مکمل کر دو
میرے دست طلب سے تابندہ
سب مناجات مکمل کر دو
اپنے دست ہنر سے پائندہ
میری سوغات مکمل کر دو
ادھورے پہر ادھوری شامیں
اور دن رات مکمل کر دو
شکستہ جسم و جاں نہال کرو
یہ خرابات مکمل کر دو
عظمٰی پیاسی زمین کہتی ہے
کوئی برسات مکمل کر دو
No comments:
Post a Comment