Poet: Waheed Mughal
آؤ جہاں بھر میں خوشیاں بانٹیں
اپنے اپنے گھر کی روشنیاں بانٹیں
جتنے سوئے بےسائباں بےچارے لوگ
آؤ انہیں اپنے حصے کا آسماں بانٹیں
بوڑھی ہو گئیں جو غربت کی دہلیز پر
ان بے گھر بیٹیوں میں مکاں بانٹیں
میرے مالک ہمیں اتنا حوصلہ تو دے
بھوکے لوگوں میں ہم روٹیاں بانٹیں
چھین کر معصوم ہاتھوں سے فکرِمعاش
آؤ اصحابِ دانش ہم تختیاں بانٹیں
جن لہجوں میں بغاوت ہو نغمہ سرا
کیوں ناں ان میں ہم زباں بانٹیں
آؤ اس اجڑے گلشن میں وحید
پھول بانٹیں بہار و تتلیاں بانٹیں
No comments:
Post a Comment