Mujhey Tum Se Mohabbat Hai - Love / Romantic Poetry

Kahin Aisa Na Ho Jana K Mera Aks
Teri Aankhon Se Meet Jaye
Teri Janib Palatney Ka Her Ek Rasta
Kahin Na Band Ho Jaye
Meri Yaadon Ka Her Panchi
Tumharey Haath Se Nikley Falak Abaad Ho Jaye
Ya Phir Barbaad Ho Jaye
Mera Dil Ab K Siney Main Darakhney Se Mukar Jaye
Ana Ki Sabz Tehni Ko Main Khud Hi Tor Deta Hon
Tumhare Waastey Jana Zidd Apni Chor Deta Hon
Yehi Ek Khuwab Bunna Chahtey They Na
Yehi Zidd Thi Tumhari Na K Khud Kehtey Nahi They Tum
Fakat Meri Zuban Se Hi Mera Ekraar Sunna Chahtey They Na
Lo Kehta Hon Meri Jana Mujhey Tum Se Mohabbat Hai
Suno Jana Mujhey Ye Aietaraaf Ab Barmala Hai K
Meri Rag Rag Main Khun Ban K Tu Behta Hai
Meri Aankhon Main Ek Khuwab-E-Husun Ban K Tu Rehta Hai
K Mere Jism Ka Har Ek Hissa Aur Siney Ki Har Ek Dharkan
Sabhi Saasein Ye Kehti Hain
Mujhey Tum Se Mohabbat Hai
Yehi Such Hai
Mujhey Tum Se Mohabbat Hai