Poet: Ms N-J-Baigum
مجھے بھولا سا کچھ گزرا زمانہ یاد آتا ہے
جو بن کر رہ گیا اب اک فسانہ یاد آتا ہے
پلانا دودھ کی دھاریں مجھے وہ گود میں لے کر
تھپک کر اپنے سینے پر سلانا یاد آتا ہے
مجھے وہ راحت آغوش مادر یاد آتی ہے
محبت بھری لوری سنانا یاد آتا ہے
میرے رونے پہ دل داری مچلنے پر وہ دل جوئ
بڑی خندہ جبیں سے ناز اٹھانا یاد آتا ہے
کھلانا پیار سے کپڑوں کا پہنانا محبت سے
مجھے رہ رہ کے یارب! زمانہ یاد آتا ہے
خدا ان کو جگہ دے گوشہ گلزار جنت میں
نسیم ان کی محبت کا زمانہ یاد آتا ہے
No comments:
Post a Comment