Youn Na Mil Mujh Se Khafaa Ho
Jaise
Saath Chal Mauj-E-Sabaa Ho Jaise
Log Youn Dekh Kar Hans Dete Hein
Tuu Mujhe Bhool Giyaa Ho Jaise
Ishq Ko Shirk Kii Hadh Tak Na Barhaa
Youn Na Mil Hum Se Khudaa Ho Jaise
Maut Bhii Aaii To Iss Naaz Ke Saath
Mujh Pe Ehasaan Kiyaa Ho Jaise
Aise Anjaan Bane Baithe Ho
Tum Ko Kuchh Bhii Na Pataa Ho Jaise
Hichkiyaan Raat Ko Aatii Hii Rahiin
Tuu Ne Phir Yaad Kiyaa Ho Jaise
Zindagii Beet Rahii Hai "Adil"
Ek Bejurm Sazaa Ho Jaise
No comments:
Post a Comment