Poet: Shabbir Rana
حمد کرتا ہوں رب ذولجلال کی
نعمتیں عطا ہوئی مجھ کو کمال کی
اس نے ہمیشہ مجھ کو بن مانگے ہی دیا ہے
صورت کبھی نہیں ہوئی پیدا سوال کی
لرز اٹھے اس کے غضب سے فرعون سارے
تاب لا سکے نہ وہ حق کے جلال کی
اس کے کرم نے مجھ کو تونگر بنا دیا
یوں دستگیری کی میرے اہل و عیال کی
اس کی حفاظتوں میں ہے گلشن کا سب نظام
اس کو خبر ہے برگ و بار اور پات و ڈال کی
ہر سو چمن میں اس کے ہزاروں ہیں رنگ عیاں
سجدہ گزاریاں ہیں یاں شجر و نہال کی
اس کے کرم نے کرب سے آزاد کر دیا
کس کو بھلا ہے فکر اب موج خیال کی
No comments:
Post a Comment