Poet: Nazir Yaad Mianwali
نیلے آنچل کے حجابات کو توڑا جائے
آسماں والے ہیں کس حال میں دیکھا جائے
نوچ لو جھیل سے گہنائے ہوئے چاند کا عکس
ڈوب کر جھیل کے پانی کو نہ گدلا جائے
بستیاں روندنے کا حق اسے کس نے بخشا
آؤ اس وقت کے عفریت کو پوچھا جائے
اس قدر بے سرومانی میں کچھ کم تو نہیں
کوئی جھونکا تیری خوشبو ہی جو پہنچا جائے
رات کی فتح یقینی ہے مگر پھر بھی نزیر
دیپ تو مد مقابل کوئی رکھا جائے
No comments:
Post a Comment