Poet: Muhammad Mumtaz Rashid
سدا سہولتیں پیدا کرو جہاں کے لئے
نشان راہ بنو اہل کارواں کے لئے
زمیں تک نہ رہیں اپنی خواہشیں محدود
جگاؤ تازہ تمنائیں آسمان کے لئے
کیا ہے اس نے مجھے آشنائے راز حیات
دعائیں دل سے نکلتی ہیں مہرباں کے لئے
یہاں تو آپ نے جی بھر کے زندگی جی لی
اب اہتمام کریں دوسرے جہاں کے لئے
زباں کھلے نہ ہی نظروں سے کچھ ہویدا ہو
یہ احتیاط بھی لازم ہے رازداں کے لئے
No comments:
Post a Comment