Teraa Jalvaa Nihaayat Dil
Nashiin Hai
Muhabbat Lekin Is Se Bhii Hasiin Hai
Junoon Ki Koii Manzil Hi Nahiin Hai
Yahaan Har Gaam, Gaam-E-Avvaliin Hai
Sunaa Hai Yuun Bhii Aksar Zikr Un Kaa
K Jaise Kuchh Taalluq Hi Nahiin Hai
Maseehaa Ban Ke Jo Nikle The Ghar Se
Lahoo Mein Tar Unhiin Ki Aastiin Hai
Main Raah-E-Ishq Kaa Tanhaa Musaafir
Kise Aavaaz Doon, Koii Nahiin Hai
‘Shamim’ Us Ko Kahiin Dekha Hai Tum Ne
Sunaa Hai Vo Rag-E-Jaan Ke Qariin Hai
No comments:
Post a Comment