Life Poetry - اک شمع کی صورت جلے

Poet: Shama

پہلو میں تم جب تک رہے خود سے جدا بھی ہم رہے
پر خامشی کے شور میں دل کی صدا بھی ہم رہے

جو لکھ رہے ہیں جاوداں الفت کی ہم یہ داستاں
وہ ابتدا بھی ہم ہی تھے وہ انتہا بھی ہم رہے

ہر ہر مقامِ شوق پہ اک آزمائش تھی کھڑی تھی
طوفان کی زد میں بھی آئے نا خدا بھی ہم رہے

اکثر رہے ہیں مست ہم عشق و جنوں کی قید میں
رسمِ رہِ دنیا بھی تھی اہلِ رضا بھی ہم رہے

اک شمع کی صورت جلے چپ چاپ اپنی آگ میں
جو چھپ گئے دل میں تیرے وہ گم شدہ بھی ہم رہے