Poet: Mohammed Iqbal Ishrat Warsi
ہلال چاند میں آئے نظر تیرے ناخن
مراد شاد لٹائے گوھر تیرے ناخن
وہاں پہ شوق سے نازک سی انگلیاں قرباں
یہاں نثار ہیں سردار سر تیرے ناخن
فرشتے آئیں زیارت کو میری تربت پہ
جو میری آنکھ پہ آجائیں گر تیرے ناخن
اتارے ہیں جو شہا وہ عطا مجھے کردو
انعام ہو میرے اشعار پر تیرے ناخن
فلک پہ قوس و قزح ہے انہی کی طلعت سے
اندھیری رات میں روشن سحر تیرے ناحن
ہزار بار مبارک ہو وارثی عشرت
تیرا کلام ہے زیر نظر تیرے ناخن
No comments:
Post a Comment