Sad Poetry - خوشیاں روٹھ گئیں

Poet: Muhammad Zia Siddiqui

ہر ساعت انمول تھی جاناں بیتے دن لوٹائے کون
خوشیاں ہم سے روٹھ گئیں ہیں اپنا دل بہلائے کون

ہنسنا کھیلنا باتیں کرنا جیسے کوئی سپنا تھا
وہ بھی چھوڑ چلا ہے آخر جو ہمارا اپنا تھا

جینے کی اک آس تھی باقی یہ انکو بتلائے کون
خوشیاں ہم سے روٹھ گئیں ہیں اپنا دل بہلائے کون

آنیوالے رستوں کو میں یونہی دیکھتا رہتا ہوں
روزانہ جب شام ڈھلے تو اپنے دل سے کہتا ہوں

اس دنیا میں کون ہے تیرا تیرے گھر کو آئے کون
خوشیاں ہم سے روٹھ گئیں ہیں اپنا دل بہلائے کون

تنہائی میں گم سم رہنا دور دراز خیالوں میں
ہر پل یونہی بکھرے رہنا الجھے ہوئے سوالوں میں

وقت بدلتا رہتا ہے پر ضیاء کو یہ سمجھائے کون
خوشیاں ہم سے روٹھ گئیں ہیں اپنا دل بہلائے کون