Poet: Imran Narmi
سنو تم دیر مت کرنا
کسی کی آنکھ کا آنسو
کوئی چہرہ ، کوئی لہجہ
کوئی آواز تم کو جس قدر روکے
مگر تم دیر مت کرنا
کسی کی یاد کی آنکھیں
تمہیں ہر لمحہ تکتی ہیں
کسی آنکھ میں جاناں
تمہاری یاد کی بارش
ہر اک لمحہ برستی ہیں
تمہیں بس سوچتے رہنا
کسی کا کام رہتا ہے
تمہاری یاد کا موسم تو
صبح و شام رہتا ہے
کسی کے ہونٹ پر ہر دم
تمہارا نام رہتا ہے
سنو تم دیر مت کرنا
No comments:
Post a Comment