Poet: Shabeeb Hashmi
آجا مورے سیاں ہونے لگی شام رے
ڈر موہے لاگے ہو ناں جاؤں بدنام رے
اکھیوں میں کاٹوں دن تیرے انتجار میں
دل دکھتا ہی جائے ہار شنگھار میں
چین ناں پائے جیا کیسا کہرام رے
آ جا مورے سیاں ہونے لگی شام رے
سکھیاں بھی آ کے پوچھیں کیسی بیقراری
روح کو جلائے پیرن ساون کی چنگاری
ہر کوئی چھیڑے موہے لے کے تیرا نام رے
آ جا مورے سیاں ہونے لگی شام رے
نیندیا چرائی توں نے دل بھی چرایا
اب کاہے کرے موہے خود سے پرایا
کاٹوں کیے ریناں ہوا چین حرام رے
آ جا مورے سیاں ہونے لگی شام رے
ڈر موہے لاگے ہو ناں جاؤں بدنام رے
No comments:
Post a Comment