Poet: Humaira Rahat
میں دونوں ہاتھ اٹھائے ہوئے
کچھ مانگتی ہوں
کیا مانگتی ہوں
تو جانتا ہے
بس ایک کمی ہے جیون میں
کیا ہے وہ کمی
تو جانتا ہے
جب آنکھ کھلی اس دنیا میں
تھی ایک دعا ہمراہ میرے
پر اب وہ دعا میرے پاس نہیں
جو سر کو ڈھانپے رہتی تھی
وہ ایک ردامیرے پاس نہیں
میرے دامن میں سب کچھ ہے مگر
اک ماں ہے جو میرے پاس نہیں
تو ہر اک شے پر قادر ہے
ناممکن کو ممکن کر دے
میرا سب کچھ لے کر ما ں دے دے
No comments:
Post a Comment