Chilmanon Main Mujhay Talash Na
Kar
Dareechon Main Mujhay Talash Na Kar
Main Gai Waqt Ki Sada Hoon Dost
Dharkanon Main Mujhay Talash Na Kar
Rang Hoon,Do Ghari Hai Mera Wajood
Maosamon Main Mujhay Talash Na Kar
Main Kisi Yaad Ka Parto Nhin Hoon
Aansuon Main Mujhay Talash Na Kar
Aik Bhatka Huwa Parinda Hoon
Darakhton Main Mujhay Talash Na Kar
Kinaar E Gil ,Fareb E Dariya Hai
Saahilon Main Mujhay Talash Na Kar
Maani Hoon Na Istaara Hoon
Kitaabon Main Mujhay Talash Na Kar
Main Aaj Waqt Ki Panah Main Hoon
Nigahon Main Mujhay Talash Na Kar
Lamakani Hoon,Bekinaar Hoon Main
Raaston Main Mujhay Talash Na Kar
Vussat E Aasmaan Meri Manzil
Baadlon Main Mujhay Talash Na Kar
No comments:
Post a Comment