Serd Ratoun Ka Ho Chuka Aghaaz
Soona Soona Udaas Aangan Hay
Tez Jhonka Hawa Ka Aya Hay
Meray Mun Mein Ajeeb Uljhan Hay
Shehr, Sadkaein , Drakht Aur Galyan
Aagaye Dhund Ki Panahon Mein
Rastoun K Nishaan Nahi Miltay
Dhund Utar Ayee Aaj Rahon Mein
Kitnay Veeran Hein Dro-Deevar
Kuhr Aalud Ye Fizaein Hein
Khali Khali Udaas Rastay Hein
Kitni Yakhbasta Ye Hawaein Hein
Meray Kamray Ki Aik Khidki Se
Chandni Aarahi Hay Chhan Chhan K
Pass Reh Ker Bhi Tum Se Door Rahay
Dermian Faslay Rahe Mun K
Phir Likha Geet Mein Ne Tere Liye
Soy-E Jazbon Ne Li Hay Angraee
Tod Dalein Gi Phir Baddan Mera
Kervatein, Raat Aur Tanhaee
Surmaee Shaam K Andheron Mein
Aahatoun Per Qyaas Hota Hay
Dooriyan Bhi Hein Aur Vaisay Bhi
Serd Mausam Udaas Hota Hay
No comments:
Post a Comment