Poet: Shama
شرابی رت کو صنم یوں نہ آج تڑپاؤ
اٹھا کے پلکیں ذرا مے کا نور برساؤ
سرور کیفِ جہاں ہے تیری نگاہوں میں
بہک نہ جائیں صنم آکے تیری بانہوں میں
مچلنے دو میرے دل کو نہ تم قریب آو
اٹھا کے پلکیں ذرا مے کا نور برساؤ
تمہارے جلوہء گل فام کی قسم جاناں
لبوں کے رس سے بھرے جام کی قسم جاناں
ہمارے دل کو ذرا دیر آج بہلاؤ
اٹھا کے پلکیں ذرا مے کا نور برساؤ
بہارِ دل پہ عجب بے خودی سی چھائی ہے
گھٹا بھی جھوم کے دیکھو زمیں پہ آئی ہے
دھڑکتے دل کے حسیں ساز پہ ذرا گاؤ
اٹھا کے پلکیں ذرا مے کا نور برساؤ
No comments:
Post a Comment