Apne Sang Lay Chal Mujhay Baad-E
Sabaa
So Rahay Hein Jis Shehar Kher-Ul-Waraa
Mousmoun Mein Bhi Hay Unn Ki Roshni
Keh Rahi Hay Phelti Qous-E Quzzah
Husn Unn Ka Hay Bayan Qur'aan Mein
Zulf Hay Wallail Tou Rukh Wad-Duhaa
Sub Se Pehlay Aap Ko Paida Kiya
Yeh Khuda Ke Payaar Ki Thi Inteha
Jiss Ko Rakhay Khud Khuda Sanbhaal Ker
Naam Woh Pyaraa Muhammad Mustafa
Hay Madinay Ka Alug Apna Mizaaj
Dekhiyay Chalnay Lagi Thandi Hawaa
Gour Mein Aayein Gay Jab Munkar Nakeer
Ek Tumharay Naam Ka Hay Aasera
Baksh Day Saari Khataaein Ae Khuda
Rehmat- Ul-Lil-Aalameen Ka Waasta
No comments:
Post a Comment