Friendship Poetry - دوستی

Poet: mohsin naqvi

ہمارے بعد چلی رسم دوستی کہ نہیں
ہوا کی زد پہ کوئی تازہ غزل ہوئی کہ نہیں

سنا ہے عام تھا کل شب کو چاند کی بخشش
بجھے گھروں میں بھی اتری ہے چاندنی کہ نہیں

نکل کے جس سے ہوا اپنا درد آوارہ
کسی کے دل میں وہ محفل سجی کہ نہیں

وہ رہگزر جو اندھیروں میں سانس لیتی تھی
تمھارے نقش قدم سے چمک اٹھی کہ نہیں

دیار ہجر سے آئے ہو کچھ کہو محسن کہ
شام غم بھی کسی موڑ پہ ملی کہ نہیں