Mumkin Ho Aap Say To Bhula Di
Jiye Mujhy
Pathar Pay Hon Lakeer, Mita Di Jiye Mujhy
Har Roz Mujh Se Taaza Shikayat Hai Aap Ko
Mai Kia Hon, Aik Baar Bata Di Jiye Mujhy
Merey Siwa Bhi Hai Koi Mozoo-E-Guftugu
Apna Bhi Koi Rang Dikha Di Jiye Mujhy
Mai Kia Hon, Kis Jaga Hon, Mujhy Kuch Khabar Nahi
Hay Aap Kitnay Door Zara Sada Di Jiye Mujhy
Main Ne Ki Apnay Zakham Ki Tash'heer Jaa Baja
Mai Maanta Hon Jurm, Saza Di Jiye Mujhy
Qaim To Ho Sakay Koi Rishta Gohor K Sath
Gehray Samandaron Mai Baha Di Jiye Mujhy
Shab Bhar Kiran Kiran Ko Tarasnay Se Faida
Hai Tairgii To Aag Laga Di Jiye Mujhy
Jaltay Dinon Mei Khud Pass-E-Deewar Baith Kar
Saaye Ki Justuju Mei Laga Di Jiyey Mujhy
Yun To Shola-E-Jaan Sard Ho Chuka Lekin
Sulag Uthoon To Hawa Di Jiye Mujhy
No comments:
Post a Comment