Love / Romantic Poetry - جام محبت

Poet: Ahsan Ali Tanha

تو جام محبت پلا مجھ کو ساقی
خدا کے لیے تو بچا مجھ کو ساقی

کہیں میں تڑپ کر یہ جاں ہی نہ دے دوں
نہ ایسی بھی دے تو سزا مجھ کو ساقی

یہ جاموں کو بھر کے نہ غیروں کو دے تو
یہاں لا نہ ایسے ستا مجھ کو ساقی

میری بھی یہ ضد ہے نہ جاؤں گا خالی
تو چاہے تو کر دے فنا مجھ کو ساقی

میں اب تھک چکا ہوں یوں تنہا اکیلے
تو بانہوں کا دے آسرا مجھ کو ساقی

میں دن رات تیری نظر میں رہوں بس
تو آنکھوں میں ایسے سجا مجھ کو ساقی

میں ان سرد راتوں میں جاؤں کہاں اب
گلے سے لگا کر جلا مجھ کو ساقی