Poet: UA
جیت کے ساتھ ہارنا سیکھا
ہم نے جیون گزارنا سیکھا
جوڑ کر حرف حرف لفظوں میں
ان کو گیتوں میں ڈھالنا سیکھا
کوئی کیسا ہی کورا آئینہ ہو
ہم نے رنگوں میں ڈھالنا سیکھا
دل کثافت سے جب نڈھال ہوا
ہم نے دل کو اجالنا سیکھا
بگڑے حالات سے وہ شاکی کیوں
جس نے الجھن سنوارنا سیکھا
ٹوٹ کر بھی بکھر نہیں پائے
ہم نے خود کو سنبھالنا سیکھا
عظمٰی ٹوٹے ہوئے دل کے ٹکڑے
تم نے کیسے سنبھالنا سیکھا
No comments:
Post a Comment