Ghar Jao To Yaron Se Mera Zikar
Na Karna
Wo Zabt Na Ker Paenge Ankhon K Samundar
Tum Rah Guzaron Se Mera Zikar Na Karna
Phoolon K Nasheman Men Raha Hon Men Sada Se
Dekho Kabhi Kharon Se Mera Zikar Na Karna
Shayed Ye Andherey Hi Mujhe Rah Dikhaen
Ab Chand Sitaron Se Mera Zikar Na Karna
Wo Meri Kahani Ko Ghalat Rang Na Deden
Afsana Nigaron Se Mera Zikar Na Karna
Shayed Wo Mere Haal Pe Besakhta Roden
Is Bar Baharon Se Mera Zikar Na Karna
Le Gaengey Gehrai Men Tum Ko Bhi Baha Kar
Darya K Kinaron Se Mera Zikar Na Karna
Wo Shakhs Miley To Use Her Bat Batana
Tum Sirf Isharon Se Mera Zikar Na Karna
Dukh Dard K Maron Se Mera Zikar Na Karna
No comments:
Post a Comment