Poet: Rukhsana Noor
پیاسا صحرا فقط
آب زم زم کی چاہ نہیں کرتا
نمی کی خواہش نا تمام میں تپا رہتا ہے
ٹپکنے والا پانی
کھارا بھی تو ہو سکتا ہے
تھوڑی دیر کی کوند میں وہ
ناسق تو نہیں لگتا تھا
میں بلی کی خصلت لے کر پیدا نہیں ہوئی
اس کی انگلیاں ستار بدن پر مرتعش تھیں
اور اُس کے ہونٹوں سے رستا زہر
امرت کا مزہ دیتا تھا
میں نے تو خود فریب کھایا ہے
کہ پھوٹنے والا ہر اک چشمہ
میٹھا بھی نہیں ہو سکتا
No comments:
Post a Comment