Bina Teray Bhi Kya Ye Zindagi Ho
Gi
Khizan Ki Aik Ujri Shaam Si Ho Gi
Diye Ummeed Kay Sab Bhuj Chukay Hon Gay
Ghamon Ki Her Taraf He Teeragi Ho Gi
Na Koi Azm Ho Ga, Zindagi Phir To
Kisi Anjaan Rastay Mein Pari Ho Gi
Ghazab Dil Per Koi Barpa To Hoga Jab
Aroosi Perahan Mein Tu Saji Ho Gi
Teray Humraah To Ek Humsafar Hoga
Meray Humraah Bas Ye Bebasi Ho Gi
Yehi Samaan Meri Tanhai Ka Hoga
Teri Yadein To Kuch Ye Shairi Ho Gi
Chupa Lo Kashif Is Dunya Se Zakhmon Ko
Nahe To Kal Kahani Phir Bani Ho Gi
Book : Udaas Raat Ka Chand
No comments:
Post a Comment