Sad Poetry - آنکھوں سے میری

Poet: Syed Wasi Shah

آنکھوں سے میری اس لئے لالی نہیں جاتی
یادوں سے کوئی رات جو خالی نہیں جاتی

آئے کوئی آکر یہ میرے درد سنبھالے
ہم سے تو یہ جاگیر سنبھالی نہیں جاتی

تو جان بھی مانگے تو ہنس کر تجھے دے دیں
تیری تو کوئی بات بھی ٹالی نہیں جاتی

اب عمر نہ موسم نہ وہ رستے کہ وہ پلٹیں
اس دل کی مگر خام خیالی نہیں جاتی

آنکھوں سے میری اس لئے لالی نہیں جاتی
یادوں سے کوئی رات جو خالی نہیں جاتی