Mujh Ko Ik Hamdam Mila Tha Ik
Safar Ki Raat Main
Main Bohat Baykhud Hoa Tha Ik Safar Ki Raat Main
Janay Kis Ki Yaad Thi K Ik Manzar Dekh Kar
Toot Kar Main Roo Para Tha Ik Safar Ki Raat Main
Woh K Jis Say Umar Bhar Ki Doryian Mansoob Hain
Meray Seenay Say Laga Tha Ik Safar Ki Raat Main
Har Taraf Phailay Hoye Thay Yaad-E-Gham K Silsilay
Kitna Mushkil Raasta Tha Ik Safar Ki Raat Main
Ghar Say Bahar Paon Rakhtay Hi Laraz Uthta Hai Dil
Hadsa Aisa Hoa Tha Ik Safar Ki Raat Main
Aaj Bhi Gungunata Hon Usay Tanhai Main
Geet Jo Hum Nay Suna Tha Ik Safar Ki Raat Main
No comments:
Post a Comment