Poet: Mehram Sajjad Ganga
سنو جھیل محبت کی طرف لوگو ہمارا لانگ ٹور تھا
مجھے بالواسطہ اس نے یہی پیغام بھیجا
کہ تمھیں بھی ساتھا چلنا ہے
اسے میں نے کہا دیکھو
ابھی جذبات ٹھنڈے ہیں
محبت راز ہے اب تک
مگر ٹھنڈے علاقوں میں
مری ، کاغان،یا جھیلِ محبت کے حسیں لب پر
جہاں بادل، ہوا ٹھنڈی
حسیں اور دلربا چنچل سی
مٹیاروں کی زلفو ں کو شرارت سے جو چھیڑیں گے
تو ایسے میں تیرا محرم
تجھے پریوں میں دیکھے گا
کئی جذبوں میں الجھے کا
تجھے باہوں میں لینے کی تمنا جاگ جائے گی
بہت ہنستے ہوئے اس نے کہا سکھیو کہو اس سے
جو ہوگا دیکھا جائے گا
اسے اتنا کہوں گا
میرے دل میں یہ خواہش ہے
مجھے ٹھنڈی ہواؤں میں
مجھے جنت سی وادی میں
پری بن کر اچھلنا ہے
تمہیں بس ساتھ چلنا ہے
تمہیں بس ساتھ چلنا ہے
No comments:
Post a Comment