Sad Poetry - اعتبار سا آتا چلا گیا

Poet: Musab Mehmood Abbasi

دکھڑا وہ بے تکان سناتا چلا گیا
ہم کو بھی اعتبار سا آتا چلا گیا

تھی زندگی فریب نظر جانتا تھا میں
آنکھوں میں پھر بھی خواب سجاتا چلا گیا

ہر گام پر مجھے نیا اک راہبر ملا
ہر گام میری راہ بڑھاتا چلا گیا

شرمندگی کی آگ میں جلتا تو ہوگا وہ
یہ اطمینان دل کو دلاتا چلا گیا

ماّضی کے دھندلکوں میں کوئی عکس کھو گیا
یا دل کو ہی قرار سا آتا چلا گیا

شکوہ نہ تھا گلا بھی نہیں اور کچھ تھا جو
یک دم زبان یار پہ آتا چلا گیا

ہم نے کہا نہیں وہ مگر جان ہی گیا
شاید میں دل کو آنکھ میں لاتا چلا گیا

برسوں سے ایک نظم جو کاغذ پہ قید تھی
بے اختیار اس کو سناتا چلا گیا