Poet: Imran Raza
درد یہ کتنے جگا دیتے ہیں سوکھے پتے
خواب کیسے دکھا دیتے ہیں سوکھے پتے
جو کبھی بچھڑا اپنوں سے یوں برباد ہوا
پاؤں کے نیچے صدا دیتے ہیں سوکھے پتے
چلتے چلتے یہ کبھی رات کے سناٹے میں
دل میں ہلچل سی مچا دیتے ہیں سوکھے پتے
کوئی حالات کی گردش سے نہ یوں برباد ہو
غور سے سن یہ دعا دیتے ہیں سوکھے پتے
کتنے بچھڑے ہوئے یاد آتے ہیں اس دم اے دوست
جب بھی طوفان گرا دیتے ہیں سوکھے پتے
No comments:
Post a Comment