Hum Yousaf-E-Zamaan Thay Abhi
Kal Ki Baat Hai
Tum Hum Pe Meharban Thay Abhi Kal Ki Baat Hai
Aata Hai Yaad Surkh Gulabon Ko Dekh Kar
Hum Tum Bhi Nojawan Thay Abhi Kal Ki Baat Hai
Woh Din Bhi Thay K Hum Hi Tumhari Zuban Par
Mozu-E-Dastan Thay Abhi Kal Ki Baat Hai
Aae Karwan-E-Laala-O-Gul Tum Ko Yaad Ho
Hum Meer-E-Karwan Thay Abhi Kal Ki Baat Hai
Khud Har Kisi Se Poochtay Phirtay Hain Raasta
Manzil K Jo Nishan Thay Abhi Kal Ki Baat Hai
Kuch Haadson Se Gir Gaye Anjum Zameen Par
Hum Rashk-E-Dunnya Thay Abhi Kal Ki Baat Hai
No comments:
Post a Comment