Sad Poetry - اک شخص کے آنسو

Poet: Usman Tarar

پلٹا جو مسافت سے تو بے گھر ہو چکا تھا
میں اپنے ہی شہر میں دربدر ہو چکا تھا

اک دم سنبھلنا میرے بس میں نہیں تھا
معاملہ اِدھر سے اُدھر ہو چکا تھا

دوست آئے تھے ساحل پہ بچانے مجھکو
مگر پانی میرے سر سے اوپر ہو چکا تھا

اک شخص کے آنسو میری پیاس کیا بجھاتے
میرے اندر بپا اک حشر ہو چکا تھا

چارہ گر بھی اپنی بے بسی پہ رویا بہت
میری رگ رگ میں زہر کا اثر ہو چکا تھا

عثمان میرا خون میرا اپنا ہی قبیلہ کرتا
یہ ہونا نہیں چاہیے تھا مگر ہو چکا تھا