Sad Poetry - ترک تعلقات کے بعد

Poet: Jabbar Anjum

سنا ہے سامنے سب کے وہ اکثر مسکراتی ہے
مگر تنہائیوں میں ٹوٹ کر آنسو بہاتی ہے

میں الفت کو جہا ں کی گردشوں سے ماورا سمجھا
وہ اس کو وقت کے خانوں تلک محدود کہتی ہے

مجھے بھی چاند راتوں میں اکیلے پن سے وحشت ہے
سنا ہے بے کلی میں اس کی عادت خود کلامی ہے

کبھی باتوں ہی باتوں میں جو میرا نام آ جائے
وہ مر جھائے گلابوں کو سنا ہے چوم لیتی ہے

وہ ساون کی رتوں میں جب ملن کے گیت گاتی ہے
مجھے کچے گھڑ ے والی وہ سوہنی یاد آتی ہے

اسے تو چاند کی کرنوں سے اندھا پیار تھا انجم
سنا ہے اب اماوس کی راتوں کی بات کرتی ہے

انا کا مسئلہ درپیش ہے ورنہ حقیقت میں
اسے میری مجھے اس کی کمی محسوس ہوتی ہے