Mere
Wajood Ki Mujh Main Talash Chor Gaya
Jo Pori Na Ho Kabhi Aisi Aas Chor Gaya
Yehi Karam Nawazi Uski Mujh Pe Kam Hai
Ke Khud To Door Hua Per Yaadain Paas Chor Gaya
Jo Khowahishen Thi Sabhi Hasraton Main Dhal Gayein
Mere Labon Pe Wo Ik Lafz Kaash! Chor Gaya
Yeh Mera Zarf Hai Ik Roz Usne Mujh Se Kaha
Ke Aam Logon Main Ek Tujh Ko Khaas Chor Gaya
Baharon Se Mujhe Is Liye To Nafrat Hai
Inhi Ruton Main Mujhe Woh Udaas Chor Gaya
No comments:
Post a Comment