Dekh Lo Khavaab Magar Khvaab Kaa
Charchaa Na Karo
Log Jal Jaayenge Suuraj Kii Tamannaa Na Karo
Vaqt Kaa Kyaa Hai Kisii Pal Bhii Badal Sakataa Hai
Ho Sake Tum Se To Tum Mujh Pe Bharosaa Na Karo
Kirchiyaan Tuute Hue Aks Kii Chubh Jaayengii
Aur Kuchh Roz Abhii Aa_Iinaa Dekhaa Na Karo
Ajanabii Lagane Lage Khud Tumhen Apanaa Hii Vajuud
Apane Din Raat Ko Itanaa Bhii Akelaa Na Karo
Khvaab Bachon Ke Khilaunon Kii Tarah Hote Hain
Khvaab Dekhaa Na Karo Khvaab Dikhaayaa Na Karo
Be-Khayaalii Men Kabhii Ungaliyaan Jal Jaayengii
Raakh Guzare Hue Lamhon Kii Kuredaa Na Karo
Mom Ke Rishte Hain Garmii Se Pighal Jaayenge
Dhuup Ke Shahar Men Aazer Ye Tamaashaa Na Karo
No comments:
Post a Comment