Poet: Chohan
دیکھو اک لاش پڑی ہے لہو میں لتھڑی
خاک آلودہ سی بکھری بکھری
غیر یا اپنا کون ہے جانیں
آؤ دیکھو اور پہچانیں
نقش مٹا ڈالے گولی نے
رنگت خون میں ڈوب گئی ہے
جیب ٹٹولو کیا رکھا ہے
یہ دو خون سے تر گجرے ہیں
دس دس کے دو نوٹ رکھے ہیں
ہاتھ جو نیچے دبا ہوا ہے
اسکی سخت گرفت میں کیا ہے
شاید ہے اسکول کا بستہ
یہ ایک پرچہ خط ہے شاید
ٹوٹھی پھوٹی سی اردو میں
رنگین پینسل کے رنگوں سے لکھا ہوا ہے
آج جو بھولے بستہ میرا
آپ سے کٹی ہو جائے گی
ٹافی اور بسکٹ بھی لانا
پیارے پاپا جلدی آنا
پیارے پاپا جلدی آنا
No comments:
Post a Comment