Poet: Muhammad Zia Siddiqui
گر اسوہ حسنہ کو سمجھ لیتے تمدن
اغیار کے ہاتھوں سے یوں رسوا نہیں ہوتے
یہ درس اخوت نہیں ڈھونگ ہے واللہ
ورنہ کبھی افغان کے بچے نہیں روتے
یہ مردہ ضمیری ہے نہ کہ مصلحت اندیشی
یوں غیرت دیں لٹتی مسلمان کے ہوتے
غفلت سے ہو بیدار ذرا خود کو جھنجھوڑو
ایمان فروشی کی یہ میراث نہ چھوڑو
ڈرو حشر کی گرمی سے زمانے کے خداؤ
بھٹکے سے جہاں راہ سے وہیں لوٹ کےآو
اب نفرت وخود غرضی کی دیوار گرادو
توحید کے نعروں سے باطل کو مٹادو
پھر دیکھ ضیاء مہک اٹھی دل کی کلی ہے
شمشیر تمہاری ہے مگر زور علی ہے
No comments:
Post a Comment