Friendship Poetry - الوداع اے دوست

Poet: Muhammad Zia Siddiqui

تیری دوستی میں فنا ہو رہے ہیں
تڑپتا ہے دل کہ جدا ہو رہے ہیں

کرائی زمانے کی ہے سیر مجھ کو
کبھی تو نے سمجھا نہیں غیر مجھ کو

یہی سوچ کر بے بہارو رہے ہیں
تڑپتا ہے دل کہ جدا ہو رہے ہیں

زمانے کے جھنجھٹ سے لڑنا سکھایا
مجھے ہر برائی سے کس نے بچایا

تیرے نام پہ ہم فدا ہو رہے ہیں
تڑپتا ہے دل کہ جدا ہو رہے ہیں

تیری ہر ادا کو میں کیسے بھلاؤں
تجھے آج ساجن میں کیسے اٹھاؤں

یہ میت نہیں دلربا سو رہے ہیں
تڑپتا ہے دل کہ جدا ہو رہے ہیں

جگر آب ہیں ساعتیں الوداع کی
یہیں تک تھے ہمراہ یہ مرضی خدا کی

صدیقی تو اہل وفا کھو رہے ہیں
تڑپتا ہے دل کہ جدا ہو رہے ہیں