Meri Ibteda Teray Naam Se, Meri
Inteha Tera Naam Hai
Mujhay Arzoo Teray Naam Ki, Meri Justajoo Tera Naam Hai
Meri Her Sada Teray Naam Se, Meri Her Ada Tera Naam Hai
Mujhay Abroo Teray Naam Ki, Meri Gufta-Gu Tera Naam Hai
Sahil Kehay Din Niklay Teray Naam Se, Teray Naam Pe Subho Shaam Hai
Kia Arsh Pe Kia Farsh Pe, Tera Charcha Her Su Aam Hai
Geetoon Main Dukh Samait Kar Gata Hoon Roz Hi
Unko Main Dil Ka Haal Sunata Hoon Roz Hi
Dardoon Ke Marey Ashk Atey Hain Aankh Main
Tanha Hi Ansouoon Ko Bahata Hoon Roz Hi
Dil Main Jo Un Ki Yadain Jalti Hain Baar Baar
Khon-E Jigar Se Unko Bujhata Hoon Roz Hi
Aur Unkey Sitam Ne Hum Ko Mara Hai Aisay Sahil
Keh Mayyat Main Khud Apni Dafnata Hoon Roz Hi
No comments:
Post a Comment